तेक्वान्दो लिग – शुभम र सोनाम विजयी

काठमाडौँ, पुस २१ गते । काठमाडौंका शुभमजंग कुमार र चितवनका सोनाम महतोले दोस्रो बागमती प्रदेशस्तरीय खुला तेक्वान्दो लिगमा स्वर्ण पदक जितेका छन् ।
टोखा नगरपालिकाको आयोजनामा टोखा नगरपालिका–५ को कार्यालयमा शुक्रवार सुरु भएको तेक्वान्दो लिगमा शुभम जंगले पुरुष र सोनामले महिला फाइटमा स्वर्ण पदक जितेका हुन् ।
शुभमले ४६ देखि ५० केजी तौलसमूहको फाइनलमा काठमाडौंका करण डोलीलाई हराए । यो तौलमा नुवाकोटका रोमन खत्री र काठमाडौंका स्विकार रजकले कांस्य पदक जिते ।
सोनामले महिला ४० देखि ४३ केजी तौलसमूहमा स्वर्ण पदक जितेकी हुन् । उनले फाइनलमा नुवाकोटकी निर्मला तामाङलाई हराइन् । काठमाडौंंका सम्पदा सिवाकोटी र स्भियुक्ता संयुक्त रूपमा कांस्य पदक प्राप्त गरे ।
काठमाडौं जिल्ला समन्वय समितिका संयोजक सन्तोष बुढाथोकीले प्रतियोगिताको उद्घाटन गरे । लिगमा महिला र पुरुषमा समान ५ गरी १० तौलसमूहमा प्रतिस्पर्धा गर्दैछन् । पुरुषमा ४६–५०, ५०–५४, ५४–५८, ५८–६३ र ६३–६८ केजी तौलसमूहमा प्रतिस्पर्धा हुनेछन् ।
महिलामा ४०–४३, ४३–४६, ४६–४९, ४९–५३ र ५३–५७ केजीमा प्रतिस्पर्धा हुनेछ छ । करिब ३ सय खेलाडीको सहभागिता रहने एसकेबिसी तेक्वान्दो डोजाङका प्रमुख प्रशिक्षक रन्जित डगौराले जानकारी दिए ।
काठमाडौं जिल्ला समन्वय समिति र बागमती प्रदेश तेक्वान्दो संघको प्राविधिक सहयोगमा जारी प्रतियोगितामा शीर्ष तीन स्थान हासिल गर्ने खेलाडीलाई क्रमशः १० अंक, ७ अंक र ३ अंक प्रदान गरिनेछ ।
प्रत्येक तौल समूहका पदक विजेतालाई अर्को लिगमा खाना, आवास र यातायातको सुविधा प्रदान गरिने बताइएको छ।
३/३ महिनाको अवधिमा सञ्चालन गर्ने गरी सुरुआत गरिएको लिगको तेस्रो संस्करण फागुन र चौथो संस्करण जेठमा हुने आयोजकले जनाएको छ । पहिलो संस्करण भदौमा स्युचाटारस्थित नागर्जुन कभर्डहलमा भएको थियो ।
क्याटेगोरी : खेलकुद
ट्याग : #तेक्वान्दो लिग – शुभम र सोनाम विजयी
धेरै पढिएका
- १एमाले काठमाडौ जिल्ला कमिटीमा ४३ सदस्य मनोनित (सूचि सहित)
- २टोखामा मेयर प्रकाश अधिकारीको २० उदारणीय काम , जसकै देशैभर चर्चा परिचर्चा हुने गर्दछ (सूचि सहित )
- ३तारकेश्वर नगरपालिकाद्वारा फूटबलका पूर्व फिफा रेफ्री राजेश श्रेष्ठ सम्मानित
- ४टोखा झोरमा गोली चल्यो , प्रहरीलद्धारा गोठाटार हत्याकाण्डका अभियुक्त पक्राउ
- ५तारकेश्वरमा काग्रेसकै मेयर र वडाध्यक्ष बिच विवाद , कार्यकारी पनि असन्तुष्ट हुँदा जनताका काम प्रभावित
- ६टोखामा १४०० रोपनी अतिक्रमित जग्गा संरक्षणमा मेयर प्रकाश अधिकारीको प्रभावशाली कदम, अव बसुन्धारा क्षेत्रमा खाली गराइदै
- ७खाँदबारीका मेयरलाई मदिरा सेवन गरि वडाध्यक्षद्धारा कार्यकक्षामै दुर्ब्यवहार
- ८पात्र मात्र होइन, प्रवृत्ति परिवर्तन जरुरी छ
तपाईको कमेन्ट लेख्नुहोस्