अल हिलालले जित्यो साउदी सुपर कपको उपाधि

साझा पाना २०८१ भदौ २ गते ०७:२३ मा प्रकाशित

काठमाडौं, २ भदौ । अल हिलालले साउदी सुपर कपको उपाधि जितेको छ ।

गएराति सम्पन्न फाइनल खेलमा अल हिलालले अल नासरलाई ४-१ गोल अन्तरले पराजित गर्दै साउदी सुपर कपको उपाधि जितेको हो ।

पहिलो हाफमा १-० ले पछि रहेको अल हिलालले दोस्रो हाफमा शानदार कम ब्याक गर्दै ४ गोल गरेको थियो । अल हिलालको जितमा अलेक्सान्दर मिट्रोभिकले २ गोल गरेका थिए भने सेर्गेज मिलिन्कोभिक साभिक र माल्कमले एकएक गोल गरेका थिए ।

त्यस्तै, अल नासरका लागि एक गोल क्रिस्टियानो रोनाल्डोले गरेका थिए ।

योसँगै अल हिलालले अहिलेसम्म पाँच पटक साउदी सुपर लिगको उपाधि जितेको छ ।

त्यस्तै, अल नासरले भने यो उपाधि २ पटक जितेको छ ।

क्याटेगोरी : खेलकुद
ट्याग : #breaking, #अल हिलालले जित्यो साउदी सुपर कपको उपाधि