महायज्ञमा प्रदेशको साथ , साथै गरियो कन्या पुजा

साझा पाना २०८० असोज २१ गते ०४:५० मा प्रकाशित

प्रदीप ढकाल ,भक्तपुर
आश्विन २०,शनिबार ।

भक्तपुर जिल्लाको ताथलीमा कन्या पुजन गरिएको छ । जिल्लाको चाँगुनारायण नगरपालिका वडा नं. ९ ताथलिमा सञ्चालन भएकोभक्तपुर,चाँगुनारायण ताथली धार्मिक तथा सास्कृतिक महामहोत्सव एवम श्रीमदभागवत विराट पितृ मुक्ति ज्ञान महायज्ञमा शनिबारकन्या पुजन गरिएको हो । स्थानिय बालिकाहरुको सहभागितामा कन्या पुजन गरिएको हो । कन्या पुजनमा करिब १२० बढी कन्याहरुकोसहभागित रहेको थियो ।

साथै यसैगरी सोही दिन बाग्मति प्रदेशका प्रदेश सभा सदस्य सुरेश श्रेष्ठले छोरीको घर जेष्ठ नागरिक आश्रम निर्माणको लागि करिब २०लाख सहयोग गर्ने घोषणा गरेका छन । भक्तपुर जिल्लाको चाँगुनारायण नगरपालिका वडा नं.९ को ताथलीमा सञ्चालन भइरहेकोश्रीमदभागवत पितृ मुक्ति ज्ञान महायज्ञ २०८० मा सहभागी भई सांसद श्रेष्ठले बाबा आमाको सेवा गर्नु मेरो पनि अधिकार हो । मेरो साथसधै रहने छ । आश्रम निर्माण गर्न अहोरात्र लाग्ने छु भनि आगामि आर्थिक बर्ष २०८१–८२ मा प्रदेश सभाबाट २० लाख छोरीको घर जेष्ठनागरिक आश्रम निर्माणको लागी बजेट छुट्टाउने घोषणा गरेका हुन्।

गत आश्विन ११ गते देखि भक्तपुर जिल्लाको चाँगुनारायण नगरपालिका वडा नं. ९ को ताथलीमा रहेको छोरीको घर ज्येष्ठ नागरिकआश्रमको लागी जमिन खरिद गरि भवन निर्माणको सहयोगार्थ श्रीमद्भागवत पितृ मुक्ति ज्ञान महायज्ञ सञ्चालन भैरहेको छ ।