तारकेश्वर ९ मा ‘एक घर, एक विरुवा’ वितरण कार्यक्रम

साझा पाना २०८० भदौ ८ गते ११:४३ मा प्रकाशित

काठमाडौं । तारकेश्वर ९ मा ‘एक घर, एक बिरुवा’ वितरण सञ्चालन भएको छ । आज साँझ वडा कार्यालय प्राङ्गणबाट नयाँ बस्तीहरुमा उपभोक्ता समितिमार्फत् फलफुल र धुपीका बिरुवा वितरण गरिएको र पुरानो बस्तीमा भोली वितरण गरिने वडाअध्यक्ष श्यामकृष्ण महर्जनले बताउनुभयो ।

तारकेश्वर नगरपालिकाले उपलब्ध गराएको विरुवा प्रत्येक जनताको घरमा पु¥याउने लक्ष्यअनुसार उपभोक्ता समितिमार्फत् वितरण गरिएको थियो । वडा कार्यालयमा तारकेश्वर ९ का जनप्रतिनिधिहरुले उपभोक्ता समितिलाई विरुवा वितरण गरेका थिए ।

हरियाली वडा निर्माण गर्नुका साथै जनताले आफ्नो घर आँगनमा बिरुवा रोप्ने ठाउँ नभएका टोलबासीले गमलामा समेत लगाएर खान मिल्ने कागती, अनार, आँप लगायतका फलफुलका विरुवा रहेका थिए । धुपी भने गमलामा भन्दा पनि खाली जग्गा भएको ठाउँमा लगाउन सकिनेछ ।

क्याटेगोरी : स्थानीय
ट्याग : #तारकेश्वर ९