टोखामा जेष्ठ नागरिकलाई नगर प्रमुखद्धारा न्यानो कपडा वितरण

साझा पाना २०७९ फागुन ५ गते ११:४४ मा प्रकाशित

टोखा नगरपालिकाले ज्येष्ठ नागरिकहरुलाई न्यानो कपडा बितरण गरेको छ । टोखा वडा नं १ मा आयोजित कार्यक्रममा नगर प्रमुख प्रकाश अधिकारीले ज्येष्ठ नागरिकहरुलाई न्यानो कपडा बितरण गर्नुभएको थियो ।

कार्यक्रममा नगर प्रमुख अधिकारीसंगै उपप्रमुख मुरारी तामाङ र जिल्ला समन्वय समिति काठमाडौंका सदस्य राज कुमार बिडारीले पनि ज्येष्ठ नागरिकहरुलाई न्यानो कपडा बितरण गर्नुभएको थियो ।

कार्यक्रमलाई सम्बोधन गर्नुहुदै नगर प्रमुख अधिकारीले टोखा नगरपालिकामा भएका ज्येष्ठ नागरिक आमाबुबाहरुलाई चिसोको समयमा केही राहत पुगोस् भनेर न्यानो कपडा बितरण गरिएको बताउनुभएको थियो ।

टोखा नगरपालिकाको समग्र विकास र समद्धिका लागि आफू लागिपरेको बताउदै नगर प्रमुख अधिकारीले नगरबासीको माग र चाहना बमोजिम आफूले कार्य गरिरहेको पनि बताउनुभएको थियो ।

कार्यक्रममा टोखा नगरपालिकाका उपप्रमुख मुरारी तामाङले नगरबासीहरुलाई प्रत्यक्ष राहत पुग्ने खालका योजना तथा कार्यक्रमहरुलाई प्राथमिकता दिएर नगरपालिकाले कार्य गरिरहेको बताउदै चिसोबाट जोगिन न्यानो कपडा बितरणले ज्येष्ठ नागरिकहरुलाई महत्वपूर्ण सहयोग पुग्ने बताउनुभएको थियो ।