इँटा बोकेर गुड्दै गरेको ट्रकमा आगो लाग्यो

साझा पाना २०७८ चैत्र १७ गते ०९:५१ मा प्रकाशित

चितवन । भरतपुर महानगरपालिका–२९ सत्र किलोमा ट्रकमा आगो लागेको छ । जिल्ला प्रहरी कार्यालयका अनुसार सार्लाहीबाट इँटा बोकेर काठमाडौं जाँदै गरेको प्रदेश २–०३–००१ ख ६५८७ नम्बरको ट्रकमा आगो लागेको हो ।

ट्रक गुडिरहेको अवस्थामा ब्याट्रीको तार सर्ट भई आगलागी भएको कार्यालयले जनाएको छ । कार्यालयका प्रहरी नायब उपरीक्षक नरहरी अधिकारीका अनुसार बिहान ६ बजेको समयमा ट्रकमा आगलागी भएको हो । आगलागीबाट ट्रक पूर्णरुपमा क्षति भएको छ ।

क्याटेगोरी : स्थानीय