युवा संघ नेपाल तारकेश्वर नगरपालिका १ को रक्तदान कार्यक्रम

साझा पाना २०७८ फागुन ८ गते ११:४५ मा प्रकाशित

नेकपा एमाले सम्वद्ध राष्ट्रिय युवा संघ नेपाल तारकेश्वर नगरपालिका वडा नं १ ले राष्ट्रिय प्रजातन्त्र दिवश अवशर पारेर रक्तदान कार्यक्रमको आयोजना गरेको छ । कार्यक्रम वडा कार्यालयको पछाडी पट्टिको प्राङ्गढमा राखिएको थियो । उक्त कार्यक्रममा स्थानिय युवा बुद्धिजिवीको उल्लेख्य उपस्थिति रहेको थियो ।

कार्यक्रममा राष्ट्रिय युवा संघ काठ्माडौ जिल्ला अध्यक्ष, तारकेश्वर नगर अध्यक्ष र वडा स्तरीय युवा संघ अध्यक्ष, वडा नं १ का वडा अध्यक्ष, काठमाडौँ जिल्ला कमिटि सदस्य भैरव सापकोटा लगायत स्थानिय जन प्रतिनिधिहरु समेत उपस्थित हुनुभएको थियो ।

नेपालमै अहिले सम्म १६९ पटक रक्तदान गरिसक्नुभएका प्रेम सागर कर्माचार्यको उपस्थितिले यो कार्यक्रलाई अझै रोचक बनाएको थियो । १६ बर्षको उमेरबाट रक्तदान गर्न शुरु गर्नुभएको उहाँ काठमाडौँ वागवजार बासी हुनुहुन्छ । उहाँले अन्तिम पटक गत माघ २९ गते पर्वतको कुष्मामा रक्त दान गर्नुभएको थियो ।

उहाँको विचारमा नेपालमा यस्ता कार्यक्रमहरुलाई प्रभावकारी बनाउन सम्वद्ध सरोकारवालाहरु जस्तै रेडक्रस सोसाइटी, स्थानिय सरकार, प्रदेश र केन्दि«य सरकारले जनचेतनामुलक कार्यक्रमहरु सञ्चालन गर्नुपर्छ र रगत निशुल्क उपलब्ध गराउँने व्यवस्था सरकारले गर्नुपर्ने उहाँको राय छ ।

उहाँ नेपाल स्वयंशेवी रक्तदान समुहको केन्द्रिय अध्यक्ष समेत हुनुहुन्छ ।

उहाँका अनुसार बागमती प्रदेश र गण्डकी प्रदेश सरकारले आकस्किमिक अवस्थामा परेका र विपन्न वर्गलाई निशुल्क रगत उपलब्ध गराउँने निणर्य गरिसकेको छ ।

समग्रमा आजको रक्तदान कार्यक्रम भव्य र सव्य ढङ्गले सम्पन्न भएको जानकारी वडा नं १ युवा संघ अध्यक्ष प्रकाश अधिकारीले गराउँनुभएको छ ।

क्याटेगोरी : स्थानीय
ट्याग : #रक्तदान कार्यक्रम