कौशी खेती तालिममा पुरुषको सहभागिता नहुनु दुःखद कुरा हो : लिला देबी अधिकारी

साझा पाना २०७७ चैत्र १९ गते १६:५८ मा प्रकाशित

सीता पौडेल

काठमाडौं । काठमाडौंको टोखा नगरपालिकाको वडा नम्बर १० की वडा सदस्य लिला देबी अधिकारीलेको वडामा सञ्चालन भइरहेको ‘एक घर एक कौसी खेती’ तालिममा पुरुषको सहभागिता नरहनु दुखद भएको बताएकी छन् ।

वडाले ०७७ र ०७८को स्वीकृत बजेट र कार्यक्रम अनुसार ४ दिने कौसी खेती तालिम र समाग्री वितरणा कार्यक्रम सञ्चालन गरिरहेको छ । तालिमका लागि महिला वा पुरुष जो कोही पनि सहभागि हुन सक्ने गरि वडाले निवेदन आहृवान गरेको थियो । वडाले एक दिनमा ३० जना सहभागीलाई तालिम दिने नियम राखेको भएता पनि निर्धारित संख्या भन्दा बढीलाई समेटेर तालिम सञ्चालन गरिरहेको उनको भनाइ छ ।

सदस्य अधिकारीका अनुसार पहिलो दिनको तालिममा ३० जनामध्ये एक जना पुरुषमात्र सहभागी भएको र त्यसपछि तालिमको तेस्रो दिनसम्म पनि पुरुषहरुको सहभागीता रहेको छैन। उनले भनिन , ‘तरकारी लाउने , पानीको जोहो गर्ने , खेती गर्ने जस्ता विषय महिलाका मात्र आवश्यक्ताका विषय हुन भन्ने गलत सोचका कारण पनि यस्ता तालिममा पुरुषको सहभागिता नगन्य वा न्युन भएको होला ।’

पहिलो चरणमा १२० देखि १५० जनालाई लक्षित गरेर ५ लाख बराबरको लागतमा तालिमा सञ्चालन गरिएको र निकट भविश्यमै अर्काे ५ लाख बराबरको बजेटबाट दोस्रो चरणको तालिम सञ्चालन गरि करिब ३०० जना स्थानियलाई लाभान्वित गराउने वडाले लक्ष्य लिएको वडा अध्यक्ष मधु सुधन पाण्डेले बताए ।

वडाबासीलाई आत्मनिर्भर बनाई उनिहरुको जीवनयापनमा सहजता प्रदान गदै वडाबासीका विधिन्न समस्या सहज रुपमा समाधान गदै आएको १० नम्बर वडाले आफ्नै घरको कौशीमा विषादिरहित ताजा तरकारी फलाई स्वस्थ नगरबासी बनाउने उद्देश्यले कौसी खेतीको तालिम आयोजना गरेको अध्यक्ष पाण्डेको भनाइ छ ।

क्याटेगोरी : स्थानीय
ट्याग : ##HOT#लिला देबी अधिकारी, ##टोखा १०