टोखाको वडा नम्बर १० मा ‘एक घर एक कौसीं खेती ’ तालिम शुरु

साझा पाना २०७७ चैत्र १७ गते १४:३४ मा प्रकाशित

सीता पौडेल

काठमाडौं । टोखा नगरपालिकाको वडा नम्बर १० मा एक घर एक कोसीखेती तालिमको शुरुवात भएको छ । मंगलबार गौंगबुमा रहेको सोही वडाकार्यालयको सभाहलमा सो तालिमको शुरुवात भएको हो ।

आफ्नै घरको कौशीमा विषादिरहित ताजा तरकारी फलाई स्वस्थ नगरबासी बनाउने उद्देश्यले ५ लाख रकम बराबरको लागत छुट्टाएर कौसीखेती तालिम तथा सामाग्री वितरण कार्यक्रमको आयोजना गरिएको १० नम्बर वडाका वडा सदस्य जगतलाल शाहीले बताए । उनका उनुसार पहिलो चरणको यस तालिममा १२० जना स्थानियलाई लक्षित गरि आजदेखि ४ दिन सम्म दिनको ५ घण्टाका दरले तालिम सञ्चालन गरिएको छ ।

एक दिनमा ३० जनाको समुहलाई तालिम दिने र तालिममा सहभागिलाई कौंसी खेतीका लागि आवश्यक पर्ने गमला , मल , प्लाष्टिक ब्याग, लगायतका ७ थरि सामाग्री र लौका , बोडी , सीमी , कांक्रो , फर्सी , साग , काउली जस्ता ८ थरि विउविजन र किटनासक औषधी समेत वितरण गरिने सदस्य शाहीको भनाई छ ।