जनता साहित्यिक मञ्च गौरीडाँडाको तेस्रो साहित्य शृङ्खला सम्पन्न

साझा पाना २०८१ मंसीर ३ गते ११:२६ मा प्रकाशित

यही मिति २०८१ साल कार्तिक ३० गते शुक्रबारका दिन यस जनता साहित्यिक मञ्च गौरीडाँडाको तेस्रो शृङ्खला यस मञ्चकी अध्यक्ष सुप्रिया बस्नेतको अध्यक्षतामा सम्पन्न भयो ।

यस मञ्चका उपाध्यक्ष राजेश भण्डारीले सञ्चालन गरेको उक्त कार्यक्रममा सहभागी सम्पूर्णलाई कोषाध्यक्ष नम्रता ठाकुरले शब्दद्वारा स्वागत गरेकी थिइन् । साथै कार्यक्रम सफलताको शुभकामना दिनेहरूमा साहित्य प्रेमी प्रविण पौडेल, कक्षा १२ विज्ञान संकायकी छात्रा सजिना सिंहले साहित्यको महत्त्वमाथि चर्चा गरेका थिए ।

उक्त कार्यक्रममा बोल्दै बर्दिबास साहित्यिक-सास्कृतिक प्रतिष्ठानका महोत्तरीका अध्यक्ष तथा शिक्षक रामचन्द्र पौडेलले ‘विद्यालयमा साहित्यको महत्त्व छ भन्दै आफ्नो जीवन भोगाइका कुरा साहित्यमा उतार्नु पर्ने, जसले मानवीय चेतनाको विकास गर्ने छ यसमा सबै विद्यार्थी समेटिनु आवश्यक छ’ भन्ने धारणा व्यक्त गरेका थिए ।

कार्यक्रममा विभिन्न लयका गीत, कविता वाचन गरिएका थिए । वाचन गर्ने स्रष्टाहरूमा विद्या साह, साक्षी यादव, सन्जु महतो, सरिता दास, सजिना सिंह, राजेश भण्डारी, प्रविण पौडेल, सुप्रिया बस्नेत र रामचन्द्र पौडेल थिए भने कार्यक्रममा सक्षम बराल, अर्पण उपाध्याय, सफल पौडेल, यमुना बराल, सुशान्त लगायत अन्य साहित्य प्रेमीहरूको बाक्लो उपस्थिति थियोे ।

कार्यक्रमको अन्तमा सभाध्यक्ष सुप्रिया बस्नेतले कार्यक्रमको अतिथि लगायत सम्पूर्णमा हार्दिक धन्यवाद ज्ञापन गर्दै कार्यक्रम समापन गरेकी थिइन् । कार्यक्रम बर्दिवास गौरीवास स्थित जनता मा.वि.को टि बल्कको आइ.सि.टि हलमा सम्पन्न भएको थियोे ।