खांदबारी – नागपञ्चमीबाट सुरु भएको नेवार समुदायको लाखे नाच विधिवत रुपमा बिहीबार समापन भएको छ ।

हिजो खांदबारीमा लाखे नाचको अन्तिम दिनमा नेवा देय दबुले लाखे नाचको र नेवा संस्कृति जगेर्ना गर्ने उद्देश्यले खांदबारी  नगरपालिका भित्रका लाखे समुहहरुको लाखे नाच प्रतियोगिता समेत आयोजना गरिएको थियो । उक्त कार्यक्रममा विभिन्न जात जातिका नाचहरु पनि प्रदर्शन गरिएको थियो ।

कृष्ण र कंशको नाच देखाएपछि बिहीबारबाट एक वर्षका लागि लाखे नाच विधिवत रुपमा समापन हुन्छ । कृष्ण जन्माष्टमीको भोलिपल्ट कृष्णले कंशका रुपमा लाखेलाई मारेपछि लाखे नाच सकिने गर्दछ।

नागको पूजा गरेपछि नेवार समुदायले कृष्णअष्टमीको भोलीपल्टसम्म हरेक दिन बजार परिक्रम गर्दै लाखे नाच देखाउँछन् । लाखे नाचको अन्तिम दिन सदरमुकाम खाँदबारी र चैनपुरमा देखाईने कृष्ण लीला हेर्नेको भीड लाग्ने गर्दछ ।

 

क्याटेगोरी : पर्यटन, फोटो फिचर, मनोरञ्जन/साहित्य, समाचार
ट्याग : #hot, #खादबारी, #खाँदबारी नगरपालिका, #खांदबारी युथ क्लब संखुवासभा, #नेवारी संस्कृति, #फोटो स्टेसन खाँदबारी, #लाखे नाच, #संखुवासभा

---

---

---