नेपाल सरकारका प्रवक्ता सञ्चार तथा सुचना प्रबिधि मन्त्री गोकुल बास्कोटाले कानूनले तोके अनुसार स्रष्टा सर्जकले रोयल्टी पाउनुपर्ने बताएका छन् । मन्त्री बास्कोटाले गीत संगीतको सार्बजनिक प्रयोग बापत स्रष्टा सर्जकले पाउनु पर्ने रोयल्टी सर्जकको अधिकार भएको बताएका छन ।

गीतसंगीतको प्रयोग गरेर सबैले खुशी मनाउने तर स्रष्टा सर्जकहरु भोकभोकै मर्ने काम हुनुहुँदैन, मन्त्री बास्कोटाले भने – कसैले पनि यसलाई प्रतिष्ठाको बिषय नबनाई कानुनले तोके अनुसार स्रष्टा सर्जकले पाउनु पर्ने रोयल्टी प्रदान गरी प्रतिलिपि अधिकार र स्रष्टाको सम्मान गर्न जान्नुपर्छ ।

मन्त्री बास्कोटाले संगीत क्षेत्रलाई पनि ठूलो उद्योगको रुपमा बिकास गरिनु पर्ने बताए ।

संगीत रोयल्टी संकलन समाज नेपाल, प्रस्तोता समाज नेपाल, संगीत उत्पादक समाज नेपाल, सामुदायिक रेडियो प्रसारक संघ र ब्रोडकास्टिङ यसोशियसन अफ नेपालबीच भएको सहमती अनुसार सामुदायिक रेडियो प्रसारक संघमा आबद्ध सबै रेडियो र ब्रोडकास्टिङ एसोशियसन नेपालसंग आबद्ध रेडियोहरुले प्रसारण क्षमता ‘वाट’ अनुसार गीत संगीतको सार्बजनिक प्रयोग बापत बार्षिक पच्चिस सय रुपैया देखि बाह्र हजार रुपैया सम्म रोयल्टी तिर्नेछन ।

 

क्याटेगोरी : मनोरञ्जन/साहित्य
ट्याग : #रोयल्टी, #स्रष्टा सर्जक

---

---

---