जेठ ३२ गतेसम्म लकठाउन गर्ने सरकारको निर्णय

साझा पाना २०७७ जेठ १७ गते २१:२७ मा प्रकाशित

काठमाडौ । सरकराले लकडाउन यहि जेठ ३२ गतेसम्म लम्बाउने निर्णय गरेको छ । आज साँझ बसेको मन्त्रपिरिषदको बैठकले आगामी जेठ ३२ गतेसम्म लकडाउनको समय बढाउने निर्णय गरेको हो । बैठकले अन्तर्राष्ट्रिय सिमानाका र विमानस्थल असार १६ गतेसम्म बन्द गर्ने निर्णय गरेको छ ।

यस्तै विदेशमा अलपत्र रहेका नेपालीलाई ल्याउने कार्ययोजना स्वीकृत गरेको छ । सरकारले विदेशमा अलपत्र रहेका नेपालीलाई उनीहरु रहेको देशस्थित नेपाली दूतावासमा नाम दर्ता गराएर प्राथमिकताका आधारमा स्वदेश फर्काउने तयारी गरेको छ । नेपाल ल्याएपछि काठमाडौंका होटलमा १४ दिन क्वारेन्टाइनमा राखेर मात्र जिल्ला प्रवेश गराउने योजना बनाएको छ ।

सरकारले पछिल्लो पटक थपेको लकडाउनको समय यही जेठ २० गते सकिदैछ । कोरोना भाइरस रोकथाम तथा नियन्त्रण उच्चस्तरीय समितिको सिफारिसमा सरकारले लकडाउन लम्बाउने निर्णय गरेको हो । कोरोना भाइरसको कारणले चैत ११ गतेदेखि मुलुक लकडाउनमा रहेको छ ।

क्याटेगोरी : ब्रेकिंग न्युज
ट्याग : ##कोभिड१९