टोखा नगरपालिका : भोलि शनिबार विष्णुमती करिडोर सरसफाई हुँदै

साझा पाना २०८१ फागुन २३ गते १३:१९ मा प्रकाशित

काठमाडौँ । टोखा नगरपालिका, काठमाडौंले बिष्णुमति साङ्गलेखोला लगायतका नदीहरूको सरसफाई अभियानलाई निरन्तरता दिँदै ४१औं हप्ता सम्पन्न गर्न लागेको छ। यो अभियान नगर कार्यपालिकाको कार्यालयले २०८१ बैशाख २० गतेको निर्णयअनुसार हरेक शनिबार सञ्चालन गरिँदै आएको छ।

यस पटकको सरसफाई कार्यक्रम २०८१ साल फागुन २४ गते, विहान ठीक ७:०० बजे विष्णुमती करिडोर, मनोहरतीर्थ पुलदेखि करिब ५०० मिटर दक्षिणमा आयोजना गरिनेछ।

सरसफाई अभियानमा सम्पूर्ण जनप्रतिनिधि, नगरपालिका तथा वडा कार्यालयका कर्मचारी, सुरक्षा निकाय, महिला स्वास्थ्य स्वयंसेविका, विद्यालय, सार्वजनिक तथा निजी कार्यालय, फोहोरमैला व्यवस्थापन गर्ने संस्था, प्रधानमन्त्री रोजगार कार्यक्रमका सदस्य, क्लव, सामाजिक संघसंस्था, पूर्व प्रहरी संगठन, विभिन्न राजनीतिक दलका प्रतिनिधि, टोल विकास संस्था, उपभोक्ता समिति, लाभग्राही समूह, सफाई अभियन्ता, सञ्चारकर्मी तथा स्थानिय समुदायलाई सक्रिय सहभागिताका लागि अनुरोध गरिएको छ।

टोखा नगरपालिकाले सबैलाई सरसफाई अभियानमा सहभागी भई नगरलाई सफा, सुन्दर र स्वच्छ बनाउन योगदान दिन आग्रह गरेको छ।