नुवाकोटको तारकेश्वर गाउँपालिकाका अध्यक्ष शिव अधिकारी अविरलले कार्यालय समयमा फेसबुक, टिकटक नचलाउन निर्देशन दिएका छन्। गाउँपालिका कार्यालय, सबै वडा कार्यालय, स्वास्थ्य केन्द्र तथा विद्यालय परिसरमा सामाजिक सञ्जालको दुरुपयोग रोक्न अध्यक्ष अधिकारीले यस्तो निर्देशन दिएका हुन्।

 

उक्त निर्देशनको कार्यान्वयन गर्न गाउँ प्रहरीले आज वडा नं १, २, ३ र ४ का कार्यालय, स्वास्थ्य केन्द्र तथा विद्यालयहरूमा छड्के अनुगमन गरेको छ। विद्यालयमा विद्यार्थीहरूको पठनपाठनमा असर नपरोस्, सामाजिक विकृति नफैलियोस् तथा कार्यालय र स्वास्थ्य केन्द्रमा सेवाग्राहीलाई उचित सेवा उपलब्ध गराउन कुनै अवरोध नहोस् भन्ने उद्देश्यले अध्यक्ष अधिकारीले सामाजिक सञ्जालको प्रयोगमा कडाइ गरेका हुन्।

अध्यक्ष अधिकारीले निर्देशनको अवज्ञा गर्दै फेसबुक वा टिकटक चलाएको पाइएमा मोबाइल जफत गर्न गाउँ प्रहरीलाई आदेश दिएका छन्।

क्याटेगोरी : समाचार
ट्याग : #breaking, #अटेरी गरे मोबाइल जफत गरिने, #टिकटक नचलाउन निर्देशन, #नुवाकोटको तारकेश्वर गापामा कार्यालय समयमा फेसबुक

---

---

---