हुम्लामा हिमपात

साझा पाना २०८१ माघ ३ गते ११:३९ मा प्रकाशित

हुम्ला, माघ ३ गते । हिमाली जिल्ला हुम्लामा बिहीबार बिहानबाट हिमपात भएको छ । बुधबार बेलुकाबाट हावाहुरी चलेको र रातभर मौसम बदली रहेको बेला हिमपात सुरु भएको हो ।

बिहानबाट जिल्लाभर हिमपात भएको सिमकोट गाउँपालिका(५ का लोकेन्द्र रावतले जानकारी दिनुभयो । बिहानभरि आकाशमा बादल लागेर हिमपात भएको उहाँले बताउनुभयो । सिमकोटमा परेको हिउँ जमिनमा जम्न सुरु भएको छ भने चिसो बढेको उहाँले बताउनुभयो ।

त्यसैगरि नाम्खा गाउँपालिकाका सबै वडामा पनि हिमपात सुरु भएको नाम्खा गाउँपालिका–६ को हिमालपारीको गाउँ लिमीका वडा अध्यक्ष पाल्जोर तामाङले बताउनुभयो । लिमीमा एक इन्चभन्दा बढी हिउँ जमिसकेको छ ।

हिउँ पर्ने क्रम जारी रहेको बताउँदै उहाँले अग्ला स्थान न्यालु, नारा, लाप्चा क्षेत्रमा बाक्लो हिउ परि हेको बताउनुभयो । हिउँ परि रहेको कारण चिसो निक्कै बढेको छ । यो हिमपात पाँचौ पटक हो । यसवर्षको पहिलो हिमपात गत मङ्सिर ११ गते भएको थियो ।

क्याटेगोरी : समाचार, स्थानीय
ट्याग : #हुम्लामा हिमपात