प्रलेस धनुषाको अध्यक्षमा गणेश घिमिरे सर्वसम्मत

साझा पाना २०८१ पुस २४ गते १८:१५ मा प्रकाशित

प्रगतिशील लेखक सङ्घ, धनुषाको प्रथम जिल्ला भेलाले गणेशप्रसाद घिमिरेको अध्यक्षतामा १५ सदस्यीय जिल्ला समिति चयन गरेको छ ।

प्रगतिशील लेखक सङ्घ, नेपालका केन्द्रीय अध्यक्ष प्रा.डा मधुसूदन गिरीको प्रमुख आतिथ्य र मिथिला साहित्य प्रतिष्ठानका अध्यक्ष विपिराज दाहालको संयोजनमा भएको प्रथम जिल्ला भेलाको अध्यक्षता प्रलेस मधेस प्रदेशका अध्यक्ष नारायण घिमिरेले गरेका थिए ।

प्रमुख अतिथि गिरीले प्रथम भेलालाई सम्बोधन गर्दै प्रलेस स्थापनाको औंचित्यमाथि प्रकाश पार्नुभएको थियो । प्रगतिशील लेखकहरु विचार र व्यवहारमा पनि प्रगतिशील हुनपर्ने खाँचो औंल्याउदै समाजलाई प्रगतिशील रुपान्तरण गर्न आफ्ना रचनाहरुलाई प्रगतिवाद तर्फ उन्मुख गराउन समेत सुझाए ।
बाम एकताको प्रतिकको रुपमा रहेको प्रलेस जस्तो वैचारिक सङ्गठनमा गोलवद्ध हुने साथीहरुले सङ्गठनको मर्म अनुरुप कलम चलाउन समेत निर्देशन दिएका छन् ।

ढल्केबरको कोमल होटलमा आयोजना गरिएको भेलालाई सम्बोधन गर्दै सभाध्यक्ष घिमिरेले १५ सदस्यीय जिल्ला समितिको नामावली प्रस्ताव गरेका थिए । सो प्रस्तावलाई भेलाले सर्वसम्मत अनुमोदन गरेको थियो ।

मिथिला साहित्य प्रतिष्ठानका सचिव निरप्रसाद शर्माले सञ्चालन गर्नुभएको कार्यक्रममा आमन्त्रण गरिएका पाहुनाहरुलाई प्रगतिशील लेखक सङ्घ, नेपाल मधेस प्रदेश उपाध्यक्ष रुद्रसेन विश्वकर्माले स्वागत गर्नु भएको थियो ।

कार्यक्रमका अतिथिहरुमा प्रगतिशील लेखक सङ्‌घ नेपालका केन्द्रीय सदस्य जीवन स्पर्शी, प्रलेस मधेस प्रदेश उपाध्यक्ष रुद्रसेन विश्वकर्मा, प्रलेस मधेस प्रदेशका सचिव भिमकुमार राउत, मिथिला साहित्य प्रतिष्ठानका अध्यक्ष विपिराज दाहाल, सचिव नीरप्रसाद शर्मा, बुढ्यौली साहित्य समाज धनुषाका अध्यक्ष नानीराम दाहाल, कमला साहित्य समाजकी सदस्य सरिता कुमारी सिंह, शिक्षा तथा साहित्यसेवी भक्त बहादुर लामा, साहित्यसेवी गणेशप्रसाद घिमिरे, प्रेम कार्की (रातु आवाज), मसिना लामा (थापा), सन्तोष कुमार महतो, प्रमोद बुढाथोकी, सुरेश कुमार महतो, तेजनिधि भट्टराई, राममिलन विश्वकर्मा लगाएतका साहित्यसेवीहरुको उपस्थिति रहेको थियो ।

नवगठित कार्यसमितिमा अध्यक्षः गणेशप्रसाद घिमिरे
उपाध्यक्ष: तेजनिधि भट्टराई
उपाध्यक्ष: प्रेमकु‌मार कार्की
उपाध्यक्ष: रेणुका दाहाल भण्डारी
सचिव: राममिलन वि.क.
सहसचिव: सुरेश कुमार महतो
कोषाध्यक्ष: मसिना लामा (थापा)
सदस्यहरु:
राकेश झा
पवन मण्डल
वैकुण्ठ प्रसाद काफ्ले
केशवप्रसाद शर्मा
निरप्रसाद शर्मा
सरिताकुमारी महतो
कमलप्रसाद घिमिरे
र प्रमोद बुढाथोकी चयन भएका छन् ।