नागरिक उड्डयन प्राधिकरणले विभिन्न पदमा ६८ जना कर्मचारीको माग

साझा पाना २०७६ भदौ १९ गते ०४:२४ मा प्रकाशित

काठमाडौं, १८ भदौ । नेपाल नागरिक उड्डयन प्राधिकरणले विभिन्न पदमा ६८ जना कर्मचारीको माग गरेको छ ।

प्राधिकरणले बुधबार गोरखापत्रमा एक सूचना प्रकाशित गरी स्विकृत दरबन्दीमा रिक्त रहेका प्राविधिक पदहरुको लागि दरखास्त माग गरेको हो ।

जस अन्तर्गत एयर ट्राफिक सर्भिसेज सातौ पदमा ३८ जनाको माग भएको छ भने एभियसन फायर सर्भिसेज चौथो तहका लागि ३० जनाको माग गरेको छ।

सातौं तहका लागि आईटीमा स्नातक तह उर्तिण गरेको हुनुपर्ने र मान्यताप्राप्त संस्थाबाट कम्तीमा ६ महिनाको एयर ट्राफिक कन्ट्रोलको तालिम लिएको हुनुपर्नेछ ।

त्यस्तै सहायकका लागि एसएलसी वा सो सरह पास गरेको हुनुपर्ने र सम्बन्धित संस्थाबाट जिवनोद्धार र अग्नी नियन्त्रणको तालिम लिएको हुनुपर्ने प्राधिकरणले बताएको छ।

सूचना प्रकाशित भएको १५ दिनभित्र दरखास्त पेश फारम गरीसक्नुपनेर्् पनि प्राधिकरणले बताएको छ ।

क्याटेगोरी : विशेष
ट्याग : #नागरिक उड्डयन प्राधिकरण