तुम्लिङटार विमानस्थलमा २ साता पछि उडान (तस्बिरहरु)

साझा पाना २०८१ वैशाख २७ गते ०९:२६ मा प्रकाशित

खाँदबारी — विमानस्थल वरपरको डाँडामा थुप्रिएको तुवालो हटेपछि हिमाली जिल्ला संखुवासभाको तुम्लिङटार विमानस्थलमा २ साता पछि बुधबार उडान भएको छ । बैसाख १० पछि तुम्लिङटारको भिजिविलिटी १ किलोमिटरमात्रै भएपछि उडान प्रभावित हुँदै आएको थियो । विमानस्थलमा उडानका लागि कम्तिमा ५ किलोमिटर वरपरको डाँडा देखिनु पर्छ ।

विमानस्थल खुलेपछि बुद्ध एयरको एटिआर ७२ विमानले १६ दिनपछि उडान भरेको हो । उडान भएसंगै सडक यातायातबाट जान नसकेका संखुवासभा र भोजपुर जिल्लाका बृद्धबृद्धा र विरामीलाई फाईदा पुगेको छ ।