प्रतिनिधि सभा बैठक बस्दै, यस्तो छ सम्भावित कार्यसूची

साझा पाना २०८० चैत्र १९ गते १०:१९ मा प्रकाशित

काठमाडौं, १९ चैत । संघीय संसदको प्रतिनिधि सभा बैठक आज सोमबार बस्दै छ । बैठक बिहान ११ बजे बस्ने गरी बोलाइएको छ ।

संघीय संसद सचिवालयका अनुसार आजको बैठकमा सभामुख देवराज घिमिरेले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्रको व्यहोरा पढेर सुनाउनुहुने कार्यसूची छ ।

यस्तै, आजको बैठकमा वाणिज्य तथा आपूर्तिमन्त्री दामोदर भण्डारीले राष्ट्रिय सभामा उत्पत्ति भएको विद्युतीय व्यापार विधेयक, २०८० माथि विचार गरियोस् भन्ने प्रस्ताव प्रस्तुत गर्नुहुने कार्यसूची रहेको संसद सचिवालयले जनाएको छ ।