समुदाय प्रहरी तारकेश्वर समितिको दोस्रो बैठक सम्पन्न

साझा पाना २०७६ जेठ ८ गते १२:२३ मा प्रकाशित

पुकार तिमलसिना

तारकेश्वर काठमाडौ । नेपाल प्रहरीले भर्खरै सुरू गरेको ‘समुदाय– प्रहरी साझेदारी’ अवधारणालाई कार्यान्वयन गर्न देशभरमा ३६० विभिन्न समिति निर्माण गरेको छ । ‘हर प्रहर, गाउँ र नगरी, टोल टोलमा नेपाल प्रहरी’ भन्ने मूल नाराका साथ स्थानीय तह, समुदाय, सामाजिक संस्था र विद्यालयसँग साझेदारी गरी समाजमा हुने अपराध न्यूनीकरण गर्ने लक्ष्य राखेको प्रहरीले सबै क्षेत्रमा समिति निर्माण गर्ने गरी अगाडि बढेको छ।

यसै बिच समुदाय प्रहरी तारकेश्वर समितिको बैठक आज बसेको छ । समितिका अध्यक्ष एवं तारकेश्वर नगरपालिकाका मेयर रामेश्वर बोहोराको अध्यक्षतामा सम्पन्न भएको सो बैठमा नगर स्तरीय शान्ति सुरक्षाका बिषयमा छलफल गरिएको छ ।

**समुदाय प्रहरी तारकेश्वर समितिको दोस्रो बैठक**

बैठकमा बालाजु प्रहरीका प्रमुख बाल नरसीहं राणाले समदायको सहयोगमा बालाजु प्रहरीले शान्ति शुरक्षामा प्रभावकारी भुमीका खेलेको एवं लेभल बेस अनुसार घटना न्यूनिकरण गर्ने सफल रहेको बताए ।

समितिका अध्यक्ष एवं तारकेश्वर नगरपालिकाका मेयर रामेश्वर बोहोराले समुदाय प्रहरी साझेदारी कार्यक्रमलाई प्रभावकारी बनाउन वडा समितिहरुलाई सक्रिय बनाउन पर्ने एवं जनचेतनामुलक कार्यक्रम गरिनु पर्ने बताए ।

सोही कार्यक्रम अन्र्तगत बिगतमा तालिम , बिभिन्न बिध्यालयहरुमा अन्र्तक्रिया , नगरभित्रका औषधी ब्यवसायहरुसंग लागु ओषध सम्बन्धि अन्र्तक्रिया समेत सम्पन्न गरेको बताए ।

बैठकमा अपराधमुक्त नगर बनाउन बिभिन्न योजना समेत बनाइएको बालाजु प्रहरीका प्रमुख बाल नरसीहं राणाले बताए ।

क्याटेगोरी : समाचार
ट्याग : #समुदाय प्रहरी तारकेश्वर