मनकामना अस्पताल तुम्लिङटारमा विशेषज्ञ सहितको स्वास्थ जाँच सेवा सुरु (तस्बिरहरू)

साझा पाना २०८० असोज ६ गते ०७:२६ मा प्रकाशित

खांदबारी- संखुवासभाको खांदबारी – ९ तुम्लिङ्गटारमा रहेको मनकामना अस्पतालमा विशेषज्ञद्वारा स्वास्थ्य जाँच सेवा संचालन गरिएको छ ।

हेल्पिङ्ग ह्याण्ड्स सामुदायिक अस्पताल चावाहिका अध्यक्ष डा गुप्त बहादुर श्रेष्ठको संयोजकत्वमा दुई दिने स्वास्थ्य जाँच सेवा संचालन गरिएको हो । स्वास्थ्य जाँच सेवा प्रदान गर्न हेल्पिङ्ग ह्याण्ड्स सामुदायिक अस्पतालका अन्य विशेषज्ञहरु पनि खटिएका छन् । स्वास्थ्य जाचका क्रममा गरिव, विपन्न तथा असाहय विरामीहरुका लािग स्थानीय निकायको सिफारिसका आधारमा छुट प्रदान गरिने अस्पतालले जनाएको छ ।

स्वास्थ्य जाचका क्रममा पेट तथा कलेजो रोग, इन्डोस्कोपी सेवा, प्रसुती तथा स्त्री रोग, निशुल्क दन्त परिक्षण, निशुल्क पाठेघरको मुखको परिक्षण र निशुल्क आँखा परिक्षण गरि चस्मा बितरण हुने बताइएको छ । हेल्पिङ्ग ह्याण्ड्स सामुदायिक अस्पताल चावाहिका अध्यक्ष श्रेष्ठले हेल्पिङ्ग ह्याण्ड्सले नै अस्पतालाई आवश्यक सेवा प्रदान गरिरहेको र समय समयमा विशेषज्ञद्वारा नै सेवा दिने गरेको बताउनुभयो ।

हेल्पिङ्ग ह्याण्ड्सका संस्थापक अध्यक्ष नारायण श्रेष्ठले जनतालाई सहज रुपमा स्वास्थ्य सेवा प्रदान गर्न अस्पतालमा विशेषज्ञद्वारा स्वास्थ्य जाच सेवा संचालन गरिएको बताउनुभयो । शुक्रवार देखि सुरु भएको विशेषज्ञद्वारा स्वास्थ्य जाच सेवा शनिबारसम्म चल्ने बताइएको छ ।