बुढानिलकण्ठ नगरपालिकाले आगामी आर्थिक वर्षको नीति तथा कार्यक्रमका लागि पुर्व जनप्रतिनिधिहरु संग सुझाव संकलन

साझा पाना २०८० जेठ ३ गते ११:०३ मा प्रकाशित

बुढानिलकण्ठ नगरपालिकाले आगामी आर्थिक वर्षको नीति तथा कार्यक्रमका लागि पुर्व जनप्रतिनिधिहरु संग सुझाव संकलन गरेको छ।

२०७९ साल बैशाख ३० गते भएको निर्वाचनबाट निर्वाचित भए पश्चात दोश्रो पटक नीति तथा कार्यक्रम सहित बजेट निर्माण गर्न लागेको बुढानिलकण्ठ नगरपालिकाले २०७४ सालमा निर्वाचित भएका जनप्रतिनिधिहरु संग सुझाव संकलन गरेको हो।

बुढानिलकण्ठ नगरपालिकाका प्रमुख मिठाराम अधिकारी ,वडा नं २ का अध्यक्ष राजेन्द्र श्रेष्ठ सहितको उपस्थिति रहेको सो सुझाव संकलन छलफल कार्यक्रममा २०७४ सालको निर्वाचनमा विभिन्न वडामा निर्वाचित अध्यक्ष तथा सदस्यहरुको उपस्थिति रहेको थियो।

बुढानिलकण्ठ नगरपालिकाको सभा हलमा भएको सो छलफलमा पुर्व जनप्रतिनिधिहरुले आगामी आर्थिक वर्षको नीति तथा कार्यक्रम र बजेटमा समावेस गर्नुपर्ने विभिन्न विषयहरुका वारेमा सुझाव प्रदान गरेका थिए। साथै छलफलमा सहभागीहरुले पुर्व जनप्रतिनिधिहरुको अनुभव आदान प्रदानको अवसर सिर्जना गरेकोमा नगरपालिकालाई धन्यवाद समेत दिएका थिए ।

क्याटेगोरी : स्थानीय
ट्याग : #बुढानिलकण्ठ नगरपालिका