हेटौंडा । मकवानपुरबाट प्रहरीले लागुऔषध गाँजासहित दुई जनालाई पक्राउ गरेको छ । जिल्ला प्रहरी कार्यालय मकवानपुरका अनुसार वडा प्रहरी कार्यालय हेटौडाबाट खटिएको प्रहरीको टोलीले बिहीबार हेटौंडा उपमहानगरपालिका वडा नंम्बर १० बसपार्कस्थित सडकबाट २१ किलो लागूऔषध गाँजा सहित २ जनालाई पक्राउ गरेको हो ।

पक्राउ पर्नेहरूमा राप्ती नगरपालिका वडा नंम्बर ९ घर बताउने २ जना महिला रहेकी छिन् । उनीहरुको नाम प्रहरीले सार्वजनिक गरेको छैनन् । शंकास्पद रूपमा हिंडिरहेका उनीहरुलाई शंका लागी चेकजाँच गर्दा पछाडी भिर्ने कालो ब्यागमा लुकाईछिपाई ल्याएको अवस्थामा लागूऔषध गाँजा १० किलो ५०० ग्राम, १० किलो ५०० ग्राम गरी २१ किलो गाँजा फेला परेको जिल्ला प्रहरी कार्यालय मकवानपुरका प्रहरी उपरीक्षक बामदेव गौतमले जानकारी दिए ।

पक्राउ परेका दुवैविरुद्ध सम्मानित मकवानपुर जिल्ला अदालतबाट पक्राउ मितिबाटै लागु हुने गरी लागूऔषध कसुर ऐन अन्तर्गत मुद्दामा अनुमती लिई थप अनुसन्धान गर्ने कार्य भईरहेको प्रहरी उपरीक्षक गौतमले जानकारी दिए ।

थप समाचार

प्रचण्डद्वारा तिलौराकोटको अवलोकन, बौद्ध पर्यटनको प्रवर्द्धनमा जोड

कक्षा १२ को परीक्षा सरेको छैन : परीक्षा बोर्ड

घाइते अवस्थामा थानकोट प्रहरी कार्यालयमा पुगे पुरूष

गृहमन्त्रीको चेतावनी- पूर्वराजाका नाममा संविधानलाई समाप्त पार्ने गतिविधि कुनै पनि…