३०१ औँ पृथ्वी जयन्तीको पूर्वसन्ध्यामा गोरखा बजार झिलिमिली

साझा पाना २०७९ पुस २७ गते १४:१८ मा प्रकाशित

गोरखा । राष्ट्रिय एकता दिवसको अवसरमा गोरखा ठूलोआँगनमा झण्डोत्तोलन तथा विगुलद्वारा विजय ध्वनिसहित ‘राष्ट्रनिर्माता सलामी’ अर्पण कार्यक्रमको उद्घाटन हुँदैछ । साथै त्यहाँ गोरखा नगरपालिकाले निर्माण गरेको पृथ्वीनारायण शाहको सालिक अनावरण कार्यक्रम पनि हुँदैछ ।

सालिक र राष्ट्रनिर्माता सलामीको उद्घाटन विशेष समारोहका बीच प्रधानसेनापति प्रभुराम शर्माले गर्ने कार्यक्रम रहेको छ ।

प्रधानसेनापतिबाट उद्घाटन भएपछि हरेक दिनको सूर्योदय र सूर्यास्त समयमा नेपाली सेनाको गुरुज्यूको पल्टनले ‘राष्ट्रनिर्माता सलामी’ दिने कार्यक्रम सञ्चालन हुनेछ ।

सो अवसरमा हरमटारीदेखि ठूलोआँगनसम्मको सडकको दायाँबायाँ नेपाल एकीकरणको सुरुवात विन्दुदेखि आधुनिक नेपाल निर्माणको जगसम्मको इतिहासको नक्सा विवरणसहित क्रमश तस्वीरहरु सजाइएको छ ।

गोरखानगरपालिका र नेपाली सेनाको रिपुमर्दन गणको संयुक्त आयोजनामा इतिहासलाई जर्गेना तथा प्रवद्र्धनका साथै पर्यटन क्षेत्रलाई उजागर गर्नका लागि यो कार्यक्रम सुरु गर्न लागेको हो ।

साथै पुस २७ गते नै पृथ्वीजयन्तीको अवसर पारेर बिगत २०५४ सालदेखि आयोजना हुँदै आएको ‘गोरखा महोत्सव’ पनि हुँदैछ । महोत्सवको प्रधानमन्त्री पुष्पकमल दाहाल प्रचण्डले गर्ने कार्यक्रम रहेको छ ।

दरौँदी दैनिक