महोत्तरीको बर्दिवासस्थित गौरिबास सेवा समितिले आयोजना गरेको सरसफाई कार्यक्रम सफलताको साथ आज शनिवार सम्पन्न भएको छ ।
हालै निर्वाचित उघोग बाणिज्य संघका पदाधिकारी, ई.प्र.का बर्दिवासका कर्मचारीहरु, सशस्त्र प्रहरी बर्दिवासका कर्मचारीहरु, नेपाल पुर्व प्रहरी संगठन बर्दिवासका पुर्व प्रहरी कर्मचारीहरु, नगर प्रहरी कार्यालय बर्दिवासका नगर प्रहरी तथा बर्दिवासका स्थानिय बासीहरुको उक्त कार्यक्रममा सहभागीता रहेको थियो ।
यस क्रममा बर्दिवासको पुर्व पश्चिम राजमार्गमा रहेको फोहर सरसफाई गरिएको थियो भने बर्दिवास चोकमा अव्यवस्थित रुपमा रहेको बिभिन्न बिज्ञापनका होर्डिङबोडहरु समेत हटाईएको थियो । उक्त कार्यक्रममा अन्तमा उघोग बाणिज्य संघ बर्दिवासका अध्यक्ष बिष्णु खड्काज्युले अब आफू उघोग बाणिज्य संघमा निर्वाचित भएकोले नगरपालिकासंगको सहकार्यमा बर्दिवासलाई कसरी सफा सुन्दर बनाउने भन्नेमा जोड दिनुका साथै बर्दिवासलाई अपराध मुक्त बनाउन बर्दिवासको बिभिन्न स्थानमा सि.सि.टि.भि जडान गर्न नगरपालिकासंग सहकार्य गर्ने जानकारी गराउनु भएको थियो ।
यसै क्रममा गौरिबास सेवा समितिका अध्यक्ष राम लामाले यस समिति नयाँ भए पनि हालसम्म बिभिन्न जनतामुखि कार्यक्रमहरु आयोजना गर्दै आइरहेको र हाल बिशेष दुर्घट्नालाई मध्यनजर गर्दै बि.पि.राजमार्ग स्थित रहेको बर्दिवास चोक देखी स्मृती पार्कसम्मको बाटो चौडा बनाउन तथा पैदल यात्री सडक बनाउन आफूहरुको पहल कदमीबाट धुलिखेल सिन्धुली बर्दिवासका आयोजना प्रमुखसंग विभिन्न पटक भएको छलफलबाट ठेक्का समेत लागेको जानकारी गराउनुभएको थियो । साथै सरसफाइ कार्यक्रममा उपस्थित सम्पूर्णमा धन्यवाद दिँदै कार्यक्रमको समापन समेत गर्नुभएको थियो ।
