धादिङ-१ मा राजेन्द्र पाण्डेको अग्रता कायमै

साझा पाना २०७९ मंसीर ७ गते २१:१५ मा प्रकाशित

धादिङ । मंसिर ४ गते सम्पन्न प्रतिनिधिसभा र प्रदेशसभा निर्वाचनको मतगणना जारी छ । मतगणना जारी रहदा प्रतिनिधी सभा क्षेत्र नम्बर १ का सत्ता गठबन्धनका उम्मेदवार राजेन्द्र पाण्डेको अग्रता कायमै छ ।

समाचार तयार पार्दासम्म धादिङ प्रतिनिधिसभा १ को ४२ हजार ८ सय ३८ मत गणना भएको छ । पाण्डे १६ सय ६५ मतले अगाडी छन् । पाण्डेले १७ हजार २ सय ८९ मत प्राप्त गरेका छन् भने नेकपा एमालेका उम्मेदवार भूमिप्रसाद त्रिपाठीले १५ हजार ६ सय २४ मत प्राप्त गरेका छन् ।

राष्ट्रिय स्वतन्त्र पार्टीका उम्मेदवार हिमेश पन्तले ७ हजार ५ सय ६८ मत प्राप्त गरेका छन् । ४२ हजार ८ सय ३८ मत गणना हुँदा १५ सय ८३ मत बदर भएको छ ।

क्याटेगोरी : समाचार
ट्याग : ##धादिङ, #भूमिप्रसाद त्रिपाठी, #राजेन्द्र पाण्डे