मतदाताको माया बटुल्दै निरेशलाल सिंह महर्जन (फोटो फिचर)

साझा पाना २०७९ कात्तिक ३० गते १४:२५ मा प्रकाशित

काठमाण्डौं । काठमाण्डौं निर्वाचन क्षेत्र नम्बर ६ ‘क’ बाट नेकपा एमालेका प्रदेश सभा सदस्य उम्मेदवार निरेशलाल सिंह महर्जनले मतदाता भेटघाटलाई तिब्र पारेका छन्।

चुनावको मिति नजिकिदै जादा महर्जनले चुनावी अभियानलाई तिब्र पारेका हुन्। एकै दिन दर्जन भन्दा बढी भेटघाट गरेका उनले आफुले जनताको ब्यापक समर्थन पाएको बताएका छन्।

नेकपा एमालेबाट चुनावमा होमिएका महर्जनले चुनावी अभियानको क्रममा प्रदेश ‘क’ को सबै क्षेत्रमा एकसरो कार्यक्रम गरिसकेका छन् भने अहिले छुटेका ठाउँमा भेटघाटलाई तिब्र पारेको जानकारी दिए ।

निरन्तर जनताको घरदैलो अभियानमा लागेका महर्जन जनताले भोगेका समस्यालाई टिपोट गर्दै तत्काल सम्बोधन गर्न सकिने समस्यालाई समाधान गरिदिने गर्छन। समाजमा सालिन र इमान्दार नेताको छवि बनाएका महर्जन आफुले चुनाव जित्नेमा ढुक्क देखिन्छन्। तल्लो तहका जनताको समस्यालाई नजिकबाट बुझ्नको लागि मतदाताको घर घर र टोलटोल पुगेका महर्जनलाई मतदाताको पूर्ण साथ र सहयोग रहेको बताएका छन् ।

जनताको समस्यालाई आफ्नै समस्या ठान्ने उनले जनताको सेवानै आफ्नो मुख्य उदेश्य रहेको बताउदै आफ्नो क्षेत्रको विकास र समृद्धिको लागि निरन्तर लाग्ने बताए ।