निर्देशन दिँदै देउवाले भने– रुख, हँसिया हतौडा, कलम जे छ त्यसमै भोट हाल्नुस्

साझा पाना २०७९ कात्तिक १ गते १६:५५ मा प्रकाशित

प्रधानमन्त्री एवम् कांग्रेस सभापति शेरबहादुर देउवाले सत्तारुढ गठबन्धनका उम्मेदवारहरूलाई भोट हाल्न पार्टीका नेता–कार्यकर्तालाई निर्देशन दिएका छन् ।

प्रधानमन्त्री देउवाले आफूले हँसिया हथौडामा भोट हालिसकेको र आगामी निर्वाचनमा पनि हाल्ने उल्लेख गर्दै कांग्रेसका नेता–कार्यकर्ताले पनि त्यसै गर्ने बताए । मंगलबार ललितपुरमा आयोजित सत्तारुढ गठबन्धनको अगुवा कार्यकर्ता भेलालाई सम्बोधन गर्दै उनले आगामी निर्वाचनमा सत्तारुढ गठबन्धनले अत्यधिक बहुमत ल्याउने गरी मतदान गर्न पनि आममतदातालाई आग्रह गरेका हुन् ।

‘कलम भएको ठाउँमा कलमलाई नै, हँसिया हतौडा भएको ठाउँमा हँसिया हतौडालाई र रुख भएको ठाउँमा रुखलाई नै भोट हाल्ने । यति भए पुगिहाल्यो नि । किन चाहियो अरु कुरा रु,’ उनले भने ।

सत्तारुढ गठबन्धनले अत्यधिक बहुमत ल्याए मुलुकमा स्थायी शान्ति, स्थायी लोकतन्त्र र गणतन्त्रले पनि स्थायित्व पाउने उनको भनाइ थियो । प्रधानमन्त्री देउवाले गठबन्धन दलहरूबीच अविश्वासको वातावरण नरहेको भन्दै खुसीसमेत व्यक्त गरे ।

प्रधानमन्त्री देउवाले सत्तारुढ दलका नेताहरूले सरकारलाई सहयोग गरेको भन्दै धन्यवादसमेत दिए । उनले संसद दुईपटक भंग गरेर तत्कालीन प्रधानमन्त्री केपी शर्मा ओलीले संविधान मिच्ने काम गरेको तर आफूहरूले त्यसलाई जोगाएको पनि बताए ।

क्ष्कष्लिनतयलमबख
प्रधानमन्त्री देउवाले मुलुक बिजुली बेचेर सम्पन्न बनाउने गरी भारतसँग बिजुली खरिद सम्झौता गर्न आफू नेतृत्वको गठबन्धन सरकार सफल भएको बताए ।

क्याटेगोरी : समाचार
ट्याग : #hot, #शेरबहादुर देउवा