प्रत्येक प्रदेशका ऐतिहासिक स्थलहरुको छनोट गर्नुपर्छ: पर्यटनमन्त्री श्रेष्ठ

साझा पाना २०७९ भदौ ११ गते २०:५० मा प्रकाशित

काठमाडौं । संस्कृति, पर्यटन तथा नागरिक उड्डयन मन्त्री जीवनराम श्रेष्ठले पर्यटनको विकासकोे लागि प्रत्येक प्रदेशका ऐतिहासिक स्थलहरुको छनोट गर्नुपर्ने बताएका छन् । ७ वटै प्रदेशका पर्यटनमन्त्रीबीचको सम्मेलनको उद्घाटन गर्दै उनले महत्वपूर्ण ठाउँहरुको छनोट गरी ब्रान्डिङ गर्न सके सबै भुभागहरुमा पर्यटनकोे विकास गर्न सकिने जिकिर गरे । यस्तो खालकोे कदमबाट वैदेशिक र आन्तरिक पर्यटकलाई आर्कषित गर्न सकिने उनको धारणा छ ।

हरेक प्रदेशमा रहेका महत्वपूर्ण ऐतिहासिक स्थलहरु केन्द्रमा राखेर कमसेकम तीन वटा त्यस्ता केन्द्रहरुलाई छनोट गरौं । जसको निकै महत्व छ । त्यसलाई केन्द्रीत गरेर हामीले ब्रान्डिङ गर्ने हो भने देशका सबै भुभागहरुमा पर्यटनकोे विकास गर्न सक्छौं । वैदेशिक र आन्तरिक पर्यटकलाई आर्कषित गर्न सक्छौं ।
मन्त्री जीवनराम श्रेष्ठले पर्यटकहरुलाई बस्ने र घुम्ने लगाएतका कुरालाई तयार गर्न सके सोचेँ जस्तो पर्यटन विकास गर्न सकिने औल्याए । उनले नेपाल सिजनबल मात्र नभएर अलसिजनबल रहेको धारणा राख्दै राउन्ड द इयर नै नेपालको सिजन रहेको कुरालाई प्रचार गर्नु आश्वकता रहेको तर्क राखे ।

क्याटेगोरी : समाचार
ट्याग : #जीवनराम श्रेष्ठ