काठमाडौं । नेकपा एमालेका नेता खगराज अधिकारी मुलुकमा फिजीकरण रोक्न राष्ट्रपतिले नागरिकता विधेयक फिर्ता पठाउनुभएको बताउनुभएको छ ।

एक रेडियो कार्यक्रममा कुरा गर्दै नेता अधिकारीले भन्नुभयो, “गठबन्धन दलका नेताहरुले आफूलाई संविधान र कानुनभन्दा माथि देखाउनु बेठीक हो । देशलाई नै गम्भीर प्रभाव पार्ने विषयमा राष्ट्रपतिले पुनर्विचार गर्ने व्यवस्था संविधानमै छ । यो बबाल गर्नुपर्ने विषय नै होइन । नेपालीलाई नागरिकता दिने कुरामा विधेयक सुँड घुसारेर आएको छ । यो फिर्ता नगरेको भए मुलुक फिजीकरणतिर जान्थ्यो ।’

नेता अधिकारीले एमालेले राष्ट्रपतिलाई नागरिकता विधेयकबारे कुनै सल्लाह र सुझाव नदिएको पनि बताउनुभयो । उहाँले भन्नुभयो, “प्रमुख कुरा त अहिलेको नागरिकता विधेयक समितिमै गएन । त्यत्रा संशोधनलाई बेवास्ता गरी सांसद बाहिर गएका बेला हतारहतार पास गरियो । हामीले राष्ट्रपतिलाई कुनै सल्लाह र सुझाव दिएका छैनौं । उहाँले स्वविवेक प्रयोग गर्नुभएको हो । किनभने उहाँ संविधानको संरक्षक हो । राष्ट्रको अभिभावक हो । कसैले राष्ट्रपति मन नपरकोे भए अर्कै कुरा हो ।’

क्याटेगोरी : राजनीति, समाचार
ट्याग : #खगराज अधिकारी

---

---

---