चितवनको भरतपुरबाट १२ जुवाडे पक्राउ

प्रनिश थापा चितवन संवाददाता २०७९ साउन २३ गते १५:११ मा प्रकाशित

चितवन । चितवनको भरतपुर महानगरपालिका ११ गणेस्थान चोकबाट तीन लाख रुपैयाँ नगद सहित १२ जुवाडेलाई प्रहरीले पक्राउ गरेको छ ।

विशेष सुराकीको आधारमा आज (सोमबार) बिहान ३:४० बजेको समयमा गणेशस्थान चोक स्थित सुदिप भण्डारीको घरमा पुगेको प्रहरीले जुवा खेलीरहेको अवस्थामा उनीहरुलाई पक्राउ गरेको हो ।

पक्राउ पर्नेहरुमा भरतपुर महानगरपालिका ११ का २६ वर्षीया सुमन भण्डारी, सोही स्थानका २७ वर्षीया किरण लोप्चन, २९ वर्षीया राजेश विक, २६ वर्षीया धन बहादुर बराल, २० वर्षीया सुदिप भण्डारी, ४६ वर्षीय दिपक श्रेष्ठ, २६ वर्षीय करण गुरुङ, भरतपुर महानगरपालिका १२ का ४४ वर्षीया सालिकराम रेग्मी, भरतपुर महानगरपालिका १४ का ५८ वर्षीया सुरेशचन्द्र न्यौपाने, भरतपुर महानगरपालिका २० का ४१ वर्षीया दिनेश दवाडी, भरतपुर महानगरपालिका २६ का ४० वर्षीया ईश्वर महत्तो र गोरखा भछेक ३ का ३५ वर्षीया बिष्णुबहादुर भण्डारी रहेका छन् ।

पक्राउ परेकाहरुको साथबाट प्रहरीले नगद तीन लाख नौं हजार ७६० रुपैयाँ, ३२ थाना कौडा, एक बुक तास समेत बरामद गरेको जनाएको छ । उनीहरुविरुद्ध जिल्ला प्रशासन कार्यालय चितवन बाट १० दिनको म्याद अनुमति लिई थप अनुसन्धान गर्ने कार्य भइरहेको जिल्ला प्रहरी कार्यालय चितवनले जनाएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय