प्रदीप गिरीको स्वास्थ्य स्थितिबारे राष्ट्रपतिको चासो

साझा पाना २०७९ साउन २२ गते १४:४६ मा प्रकाशित

काठमाडौं । ललितपुरस्थित मेडिसिटी अस्पतालमा उपचाररत नेपाली काँग्रेसका नेता एवं सांसद प्रदीप गिरीको स्वास्थ्य स्थितिबारे राष्ट्रपति विद्यादेवी भण्डारीले जानकारी लिएकी छन् ।
सूचना तथा सञ्चार विज्ञ टीका ढकाललाई आज राष्ट्रपतिले डा.गिरीको स्वास्थ्य अवस्थाबारे बुझन पठाएकी हुन् ।

गिरी क्यान्सरको उपचारका लागि भारतमा रहँदा पनि राष्ट्रपतिबाट स्वास्थ्यावस्थाबारे चासो व्यक्त भएको र काठमाडौँ फर्किएपछि स्वास्थ्य समस्याका कारण अस्पतालमा भर्ना हुदाँ पनि आफूलाई भेट्न पठाएको ढकालले जानकारी दिए ।

क्याटेगोरी : समाचार
ट्याग : #प्रदीप गिरी, #प्रदीप गिरीको स्वास्थ्य स्थितिबारे राष्ट्रपतिको चासो, #विद्यादेवी भण्डारी