नेपाल महिला च्याम्बरका प्रतिनिधिमण्डल र प्रधानमन्त्री ओली बिच भेटवार्ता काठमाडौं, नेपाल महिला च्याम्बरको प्रतिनिधिमण्डलले प्रधानमन्त्री के. पि. शर्मा ओलीसँग भेट गरेको छ ।

भेटका क्रममा प्रतिनिधिमण्डलले नेपाल महिला च्याम्बरका अध्यक्ष अन्जान शाक्यलाई इजरायलका लागि राजदूत नियुक्त गरेकोमा धन्यवाद ज्ञापन गरेको थियो । प्रतिनिधिमण्डलले सरकारको उक्त निर्णय ले महिला उधमी प्रतिको विश्वास प्रतिबिम्बित भएको र सम्पूर्ण महिला उधमीहरुमा उत्साह मिलेको धारणा प्रधानमन्त्री सामू राखेका थिए ।

सो अवसरमा प्रधानमन्त्री ओलीले एक महिलाको क्षमता दश पुरुष बराबर हुने र नेपाली महिलाहरुमा असिम संभावना रहेको अौल्याउदै नेपाल सरकार उनीहरुलाई आवश्यक सहयोग गर्न तयार रहेको बताएका थिए । उनले अनुशाशित योग्य र संस्कारी नागरिक सिर्जना गर्न एक जना महिलाले राष्ट्र, समाज र परिवारलाई दिने योगदान अन्यको दाजोमा धेरै हुने समेत बताए ।

भेटका क्रममा प्रधानमन्त्री ओलीले महिला उधमीहरुबाट देशले धेरै आशा राखेको र महिला उधमीहरुले उत्पादनमुलक क्षेत्रमार्फत देशको आर्थिक विकासमा थप टेवा पुर्याउने विश्वास आफूले लिएको बताए ।

निकासीमुलक उत्पादनतर्फ जोड दिन आग्रह गर्दै उनले महिलाहरुद्वारा संचालित उद्योग र महिलामा उधमशिलताको विकास गर्न सरकार गम्भिर रहेको समेत बताएका थिए । प्रतिनिधिमण्डलमा महिला च्याम्बरका उपाध्यक्ष उर्मिला श्रेष्ठ, सुस्मा शर्मा लगायत कार्यसमिती सम्बद्ध २२ जना महिला उधमीहरु सहभागी थिए ।

क्याटेगोरी : समाचार
ट्याग : #hot, #महिला च्याम्बर

---

---

---