हराएका मोबाइल खोज्दै बुझाउँदै चितवन प्रहरी, २१ मोबाईल सम्बन्धि धनीलाई हस्तान्तरण

प्रनिश थापा चितवन संवाददाता २०७९ असार २८ गते १५:३२ मा प्रकाशित

चितवन । चितवन प्रहरीले विभिन्न मितीमा विभिन्न स्थानहरूबाट चोरी भएका तथा हराएका मोबाइलहरुको खोजी गरेर सम्बन्धि मोवाइल धनीलाई हस्तान्तरण गरेको छ ।

प्रहरीले चितवन जिल्ला लगायत काठमाण्डौं, पर्सा, नवलपरासी जिल्लामा चलाएको अवस्थामा हराएका आइफोन, स्यामसुङ, रेडमी , ओप्पो, भिभो, पोको कम्पनीको २१ थान मोबाईल खोजी गरेर सम्बन्धि धनीलाई हस्तान्तरण गरेको हो ।

१४ हजार रुपैयाँदेखी एक लाख २५ हजार रुपैयाँ सम्मको मूल्य रहेको सो, मोबाईल अन्दाजी पाँच लाख २५ हजार मुल्य बराबरका रहेको जिल्ला प्रहरी कार्यालय चितवनका प्रहरी प्रमुख (एसपी) नवराज अधिकारीले जानकारी दिए ।

मोबाईल हराएका मोबाईल धनीहरुलाई मोबाईल खोजीका लागी हेल्प डेस्क नै खडा गरी मोबाईल हराएको उजुरी लिने र मोबाईल खोजी गरी भेटिएपछि सम्बन्धि धनीलाई जिम्मा लगाउने गरेको (एसपी) अधिकारी बताउँछन् ।

आफ्ना हराएका तथा चोरी भएका मोबाइल भेटिएसंँगै उनीहरुले प्रहरीको उच्च प्रशंसा गर्दै धन्यवाद समेत दिएका थिए । पछिल्लो समय चितवन प्रहरीले आफ्नु सक्रियता बढाए संँगै मोबाईल फेला पर्ने क्रम समेत बढ्दै गएको छ ।