काठमाडौ । नेकपा एमालेको केन्द्रिय सचिवालय बैठक बिहिबार बसेको छ ।
बैठकमा पार्टीको ७४ औं स्थापना दिवस भब्य रुपमा मनाउने तयारीदेखि महानगर र उपमहानगरपालिकाका प्रमुख—उपप्रमुखका उम्मेद्वार छनोट सम्वन्धमा छलफल भएको थियो ।
बैठकले शुक्रबार पार्टीको ७४ औं स्थापना दिवस भब्य रुपमा मनाउने निर्णय गरेको छ । त्यस्तै बैठकमा स्थानीय निर्वाचनका लागि उम्मेद्वारहरुको छनौटबारे छलफल शुरु भएको छ । जसअनुसार महानगर र उपमहानगरपालिकाका प्रमुख र उपप्रमुखका उम्मेदवार छनोट बैशाख १० गते हुने एमाले केन्द्रिय प्रचार विभाग प्रमुख पृथ्वीसुब्बा गुरुङले जानकारी दिनुभयो ।
उहाँका अनुसार सचिवालय बैठकमा सातै प्रदेशबाट महानगर र उपमहानगरका लागि उम्मेद्वार सिफारिस गरेका नामहरूबारे सामान्य छलफल भएको थियो ।
बैठकले बिशेष अवस्था र सम्भावनालाई ख्याल गर्दै गण्डकी र लुम्बिनी प्रदेश सभासद्हरुलाई स्थानीय तहको उम्मेदवार नबनाउने निर्णय गरेको पनि उहाँले जानकारी गराउनुभयो ।
सचिबालयको अर्को बैठक बैशाख १० गते बस्नेछ ।

थप समाचार

समाजसेवी प्रकाश लामिछानेद्वारा तान्द्राङ्ग मा खाद्यान्न वितरण

रुपाताल संरक्षणको कामलाई समयमै सक्न उर्जामन्त्री खड्काको निर्देशन

चितवन पुगे रवि, आजै अदालतमा उपस्थित होलान् ?

पाथीभरा केबुलकारको काम स्थगित, यातायात बन्द खुल्यो