ट्रकको ठक्करबाट मोटरसाइकल चालकको मृत्यु

प्रनिश थापा चितवन संवाददाता २०७८ भदौ २८ गते १४:१३ मा प्रकाशित

चितवन । चितवनमा ट्रकको ठक्करबाट सोमबार मोटरसाइकल चालकको मृत्यु भएको छ ।

जिल्ला प्रहरी कार्यालय चितवनका अनुसार भरतपुर महानगरपालिका २, नारायणगढ लायन्सचोकस्थित गणेशहल अगाडि ट्रकले मोटरसाइकललाई ठक्कर दिँदा रत्ननगर नगरपालिका १० बस्ने ३१ बर्षीया यदुराज पौडेलको मृत्यु भएको हो ।

दाङबाट सिमेन्ट लोड गरेर जनकपुर तर्फ गईरहेको ना. ८. ख. ६२४९ नम्बरको ट्रकले पौडेल सवार ना. ३९. प. २०९३ नम्बरको पल्सर मोटरसाइकललाइ आज (सोमबार) बिहान १०:४५ बजेको समयमा ठक्कर दिएको थियो । ट्रकको ठक्करबाट गम्भीर घाइते भएका पौडेललाइ थप उपचारका लागी अस्पताल तर्फ लैजाने क्रममा बाटोमा नै मृत्यु भएको प्रहरीले जनाएको छ ।

मोटरसाइकललाइ ठक्कर दिने ट्रक र ट्रकका चालक लाई चितवन प्रहरीले आफ्नु नियन्त्रणमा लिएको छ । मृतकको शवलाई अहिले परीक्षणका लागि भरतपुर अस्पतालमा राखिएको छ । सवारी दुर्घटनामा सोमबार ज्यान गुमाएका पौडेल पुर्व शिक्षक समेत हुन् ।

क्याटेगोरी : अपराध/सुरक्षा, विशेष, देश परदेश, समाचार, स्थानीय