(एसपी) अधिकारीको सफलता : एटुजेड मोबाईल हाउसमा चोरी गर्ने दुइ जना पक्राउ

प्रनिश थापा चितवन संवाददाता २०७८ भदौ १८ गते १५:५५ मा प्रकाशित

चितवन । पुर्वी चितवनको टाँडी बजारमा रहेको एटुजेड मोबाईल हाउसभित्र भएको चोरी प्रकरणमा संलग्न दुइ जनालाई चितवन प्रहरीले पक्राउ गरेको छ ।

जिल्ला प्रहरी कार्यालय चितवनका अनुसार गत, भाद्र १२ गते बिहान पौने दुइ वजेको समयमा मोबाईल हाउसभित्र प्रवेश गरी चोरी गर्ने १६ बर्षका एक (नाबालक) सहित मकवानपुर राक्सिराङ गाउँपालिका वडा नंम्बर ४ घर भई हाल पुर्वी चितवनको खैरहनी नगरपालिका १ ज्यामिरे बस्ने २२ बर्षिया कृष्ण तामाङलाई पक्राउ गरेर सार्वजनिक गरेको हो ।

चितवनका प्रहरी प्रमुख समेत रहेका (एसपी) ओम प्रसाद अधिकारीका अनुसार मोबाइल हाउसमा चोरी भएको भन्ने सूचना प्राप्त भएलगत्तै अनुसन्धानमा जुटेको प्रहरीको टोलीले हिजो (बिहीबार) दिउँसो १ बजेको समयमा खैरहनी नगरपालिका वडा नंम्बर २ सिमलघारीबाट पक्राउ गर्न सफल भएको जनाइएको छ ।

हामीले चोरी भएको सूचना पाएपछि नै घट्नाको बिषयमा गम्भीरतापूर्वक अनुसन्धान गरिरहेका थियौं । (एसपी) अधिकारीले भने, शंकास्पद वडा एरियाहरू तथा आपराधिक पृष्ठभूमीका व्यक्तिहरूको निगरानी गरी खोजतलास गर्ने क्रममा उनीहरुलाइ पक्राउ गर्न सफल भएका हौँ । प्रहरीको कडा मिहेनतका बाबजुद उनीहरु लाइ चोरी भएको मोबाईल तथा घडी सहित पक्राउ गर्न प्रहरी सफल भएको जनाईएको छ ।

प्रहरीले उनीहरुको साथबाट चोरी भएका विभिन्न कम्पनीको १९ थान मोबाईल सहित, १२ थान डमी मोबाइल, एक थान ल्यापटप तथा ४ थान घडी समेत बरामद गरेको छ । चोरले तीनतल्ले भवनको भुईं तल्लामा रहेको सटरको ताल्चा रडले फोडी पसलमा बिक्री प्रयोजनको लागि राखिएको छ लाख तेत्तिस हजार मूल्य बराबरको बिभिन्न कम्पनीको मोबाइल, ल्याप्टप तथा घडीहरू चोरी गरेर लगेका थिए ।

चोरीको आरोपमा पक्राउ परेका उनीहरुमाथि आरोप प्रमाणित भएमा मुलुकी अपराध संहिता, २०७४ परिच्छेद २० दफा २४१ उपदफा १, २ बमोजिम कसुर तथा मुलुकी अपराध संहिता, ०७४ परिच्छेद २० दफा २४२ उपदफा २ बमोजिम ३ वर्ष कैद र तीस हजार रुपैयाँसम्म जरिवाना सजाय हुने व्यवस्था रहेको छ ।

प्रहरीले बरामद गरेको सामानहरू :-

Real Mi कम्पनीको मोवाईल थान – १

VIVO कम्पनीको मोवाईल थान – ५

Itel कम्पनीको मोवाईल थान – १

OPPO कम्पनीको मोवाईल थान – २

Red mi कम्पनीको मोवाईल थान – ३

Infinix कम्पनीको मोबाईल थान – २

One plus कम्पनीको मोबाईल थान – २

Poco कम्पनीको मोबाईल थान – २

Imars कम्पनीको मोबाईल थान – १

LENOVO कम्पनीको ल्यापटप थान – १

विभिन्न कम्पनीको घडी थान – ४