चितवन । चितवनमा रातको समयमा चोरी गर्दै हिंड्ने एक जनालाइ प्रहरीले पक्राउ गरेको छ । ईलाका प्रहरी कार्यालय रत्ननगरले रातको समयमा मानिसहरु सुतिरहेको मौका पारी घरभित्र प्रवेश गरी नगद तथा सुनका गरगहनाहरु चोरी गरेको आरोपमा राप्ती नगरपालिका वडा नम्बर १२ धाङवाङ गैरी घर भई हाल रत्ननगर नगरपालिका वडा नम्बर ०९ स्थित जानकीटोल बस्ने बर्ष २८ को केशब प्रजालाई पक्राउ गरेर आज (सोमबार) सार्वजनिक गरेको हो ।

रत्ननगर नगरपालिका र कालिका नगरपालिका अन्तर्गत बिभिन्न ७ (सात) स्थानमा भएको चोरीका घट्नाका सम्बन्धमा प्रहरीले सुक्ष्म ढंगले अनुसन्धान गर्ने क्रममा प्रजालाई हिजो (आइतबार) दिउँसो निजको अस्थायी डेरा/ कोठाबाट नगद आठ लाख उनान्सय हजार नौ सय एकसठ्ठी रुपैयाँ तथा चोरी गर्न प्रयोग गरेका विभिन्न औजार सामाग्री सहित पक्राउ गरिएको ईलाका प्रहरी कार्यालय टाँडी चितवनका प्रहरी प्रमुख (डिएसपी) इन्द्रबहादुर रानाले जानकारी दिए । प्रजालाइ प्रहरी निरीक्षक प्रकाश शाह ठकुरीको कमान्डमा खटिएको प्रहरीको विशेष टोलीले पक्राउ गरेको हो ।

पक्राउ परेका प्रजा विरुद्ध चोरी सम्बन्धी कसूर मुद्धामा आज (सोमबार) सम्मानित चितवन जिल्ला अदालतवाट दस दिनको म्याद अनुमती लिई थप अनुसन्धान गर्ने कार्य भईरहेको टाँडी प्रहरी स्रोतले जनाएको छ ।

थप समाचार

समाजसेवी प्रकाश लामिछानेद्वारा तान्द्राङ्ग मा खाद्यान्न वितरण

रुपाताल संरक्षणको कामलाई समयमै सक्न उर्जामन्त्री खड्काको निर्देशन

चितवन पुगे रवि, आजै अदालतमा उपस्थित होलान् ?

पाथीभरा केबुलकारको काम स्थगित, यातायात बन्द खुल्यो