गाँजा फडानीको आज (दोस्रो) दिन : ३० बिगाहमा लगाइएको गाँजा खेती नष्ट

प्रनिश थापा चितवन संवाददाता २०७७ पुस ६ गते १७:३४ मा प्रकाशित

चितवन । चितवन प्रहरीले गाँजा फडानी अभियानलाइ निरन्तरता दिदै आएको छ । जिल्ला प्रहरी कार्यालय चितवनका अनुसार हिजो (आइतबार) देखी सुरु गरिएको गाँजा खेती नष्ट अभियानलाइ आज (सोमबार) पनि निरन्तरता दिइएको हो ।

हिजो (आइतबार) पाँच बिगाहमा लगाइएको दुइ लाख मूल्य बराबरको गाँजाका वोटविरुवाहरु नष्ट गरेको चितवन प्रहरीले आज (सोमबार) मात्रै तीस बिगाहमा लगाइएको करिब २० लाख मूल्य बराबरको गाँजाका वोटविरुवाहरु नष्ट गरेको छ । आज पुर्वी चितवनको राप्ती नगरपालिका वडा नम्बर १२ मा रहेको चात्राङ, मात्राङ, घेराङ भन्ने स्थानमा लगाइएको गाँजा खेती नष्ट गरिएको हो । बिहान ७ बजेदेखि सुरु गरिएको गाँजा खेती नष्ट साँझ ५:३० बजे मात्रै सकिएको थियो ।

पुर्वी चितवनको राप्ती नगरपालिकाको वर्डा नम्बर ११, १२ र १३ का विभिन्न स्थानहरुमा अवैध रुपमा गाँजा खेती हुने गरेको भन्ने सूचनाको आधारमा जिल्ला प्रहरी कार्यालय चितवनबाट (डिएसपी) सुर्य बहादुर थापाको कमान्डमा इलाका प्रहरी कार्यालय रत्ननगरका प्रहरी निरीक्षक रोशन खड्का, इलाका प्रहरी कार्यालय भण्डाराका प्रहरी निरीक्षक राजीव गिरी समेत गरी ७० जनाको प्रहरी टोली त्यसतर्फ खटिदै आएको छ । हिजो (आइतबार) देखी तीन दिनका लागी भन्दै राप्ती नगरपालिका तर्फ गएको टोली गाँजा छ्याप्छ्याप्ती भेटिन थालेपछि आगामी बिहीबार साँझ मात्रै सदरमुकाम फर्किने भएको छ ।

टोलीले वडाका ती बस्तीहरुमा स्थानीयहरुसंँग यसबाट समाज र मानव स्वास्थ्यमा पर्ने नकारात्मक असर, कानुनी परिणामबारे अन्तरक्रिया गरी सचेत गराएकाे छ । लागूपदार्थ उत्पादन, बेचबिखन र ओसारपसारले समाजलाइ नकरात्मक दिशातर्फ लैजाने र यस्को सेवन गर्नु, गराउनु दुवै दण्डनीय रहेकोले कहि कतै यस्तो गतिविधी भएको पाइए तत्काललै नजीकैको प्रहरी कार्यालयलाइ सुचना दिएर सहयोग गर्न समेत चितवन प्रहरीले सबैमा अपिल गर्दै आएको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार