चितवन । चितवन प्रहरीले लागूऔषध सहित तीन जनालाई पक्राउ गरेको छ । विशेष सुराकीको आधारमा वर्डा प्रहरी कार्यालय नारायणगढबाट खटिएको प्रहरीको विशेष टोलीले भरतपुर महानगरपालिका – २ पुलचोकस्थित द कैलाश लज एण्ड रेष्टटुरेण्टको २०३ नंम्बरको कोठाबाट लागूऔषध डाइजेपाम -२३ एम्पुल, ब्युप्रिनुफिन-२३ एम्पुल, फेनारगन-२३ एम्पुलसहित भरतपुर महानगरपालिका वडा नंम्बर ३ बस्ने वर्ष २३ को राजेश बहादुर कार्कीलाई पक्राउ गरिएको हो ।

पक्राउ परिएका कार्कीमाथि थप सोधपुछ गर्दै जाँँदा उक्त लागु औषध भरतपुर महानगरपालिका वडा नंम्बर ११ कुमारी टोल बस्ने वर्ष २१ की एलिसा रूम्बा तामाङ र कालिका नगरपालिका वडा नंम्बर २ बस्ने बर्ष २० को रितेश गुरूङसँग लिएको भन्ने बताएपछि उनीहरु दुबैलाइ समेत नियन्त्रणमा लिएको बताइएको छ । नियन्त्रणमा लिइएका मध्य एलिसा रूम्बा तामाङको कोठाबाट ३०० ग्राम लागु औषध गाँजा समेत वरामद गर्न प्रहरी सफल भएको छ ।

पक्राउ परेका माथि अनुसन्धान गर्ने क्रममा उक्त लागूऔषध एलिसा रुम्बाले रुपन्देही भैरहवा स्थित नेपाल भारतको सिमा नजिकबाट खरिद गरी ल्याईएको र राजेश बहादुर कार्की समेतका २ जना ब्यक्ति मिलेर भरतपुर १० स्थित बिक्रम मार्गबाट खुकुरी देखाएर लुटेर लगेको भन्ने प्रारम्भिक अनुसन्धानले देखाएको चितवन प्रहरीले जनाएको छ । यस बिषयमा थप अनुसन्धान गर्ने कार्य भइरहेको चितवन प्रहरीको भनाईं छ ।

थप समाचार

समाजसेवी प्रकाश लामिछानेद्वारा तान्द्राङ्ग मा खाद्यान्न वितरण

रुपाताल संरक्षणको कामलाई समयमै सक्न उर्जामन्त्री खड्काको निर्देशन

चितवन पुगे रवि, आजै अदालतमा उपस्थित होलान् ?

पाथीभरा केबुलकारको काम स्थगित, यातायात बन्द खुल्यो