अखिलको जिल्ला कमिटी चाँडै

साझा पाना २०७७ असोज २९ गते १६:१० मा प्रकाशित

काठमाडौँ, २९ असोज ः नेपाल कम्युनिष्ट पार्टी (नेकपा)को भातृ संगठन अनेरास्ववियूले एकताको कामलाई अन्तिम चरणमा पुगेको छ ।

अनेरास्ववियूले यहि साता जिल्ला कमिटीलाई पूर्णता दिन र स्थानीय तथा क्याम्पस कमिटीलाई मंसिर १५ गतेसम्म निर्माण गर्ने गरि काम अगाडि बढेको छ ।
अहिले अखिलको केन्द्रीय कमिटी मात्र निर्माण भएको छ ।

केही दिन अघि केन्द्रीय कमिटीका संयोजक ऐन महर र सहसंयोजक रन्जित तामागले सवै जिल्ला, विश्व विद्यालय, स्थानीय तह र क्याम्पस कमिटीलाई परिपत्र (सर्कुलर) जारी गरी एकता प्रक्रिया टुग्गोमा पुर्याउने निर्देशन दिनु भएको छ ।

अखिलका संयोजक महरले तल्लो तहका कमिटीलाई पूर्णता दिने गरि परिपत्र जारी गरिसकेको र सोही परिपत्र अनुसार अहिले एकताको काम भइरहेको जानकारी दिनुभयो । उहाँका अनुसार यसै साता जिल्ला कमिटीलाई पूर्णता पाउने छ । अखिलले यसअघि जिल्ला कमिटीका संयोजक र सहसंंयोजक तोकेर पठाइसकेको छ ।
अखिलले ५१ देखि ६१ जनासम्मको जिल्ला कमिटी बनाउने निर्देशन दिएको छ ।

संयोजक महरले परिपत्र अनुसार काम नगर्ने र सामानान्तर कमिटी बनाउने केन्द्रीय कमिटी सदस्यलाई कारवाही गर्ने बताउनुभयो ।

पार्टी एकता भएसंगै नेकपाको पार्टी एकता अझै टुग्गिएको छैन । यसअघि राष्ट्रिय युवा संघले मात्र जिल्ला र स्थानीय तहको एकता टुग्गाइसकेको छ ।

उहाँले जिल्ला, स्थानीय तह र क्याम्पस कमिटी टुग्गिएपछि प्रदेश, विश्वविद्यालय, केन्द्रीय कमिटीको वाँडफाँड र कार्यविभाजन टुग्याउने बताउनुभयो ।
अखिलमा अहिले ३३५ केन्द्रीय कमिटी रहेका छन ।

क्याटेगोरी : विशेष