खाँदबारी, १५ भदौ

संखुवासभामा आज थप ९ जनामा कोरोना संक्रमण देखिएको छ । स्वास्थ्य कार्यालय संखुवासभाका प्रवक्ता रोशन श्रेष्ठका अनुसार जिल्ला प्रहरी कार्यालयका २२, २२, २३, २५, २७ र ४१ बर्षका ६ जना पुरुष प्रहरीमा कोनोना संक्रमण भएको छ भने प्रहरी कार्यालयकै क्यान्टिनमा कार्यरत २२ वर्षिया महिला र खाँदबारी क्वारेन्टाईनमा रहेका २० र २६ वर्षका पुरुष २ सहित ९ जनामा जनस्वास्थ्यप्रयोगशाला विराटनगरमा गरीएको परिक्षणमा कोरोना संक्रमण पुष्टि भएको हो ।

खाँदबारी क्वारेन्टाईनमा रहेका २ जना संक्रमितहरु एक साता अघि बुटवलबाट आएका हुन् । उनीहरुको स्वास्थ्य अवस्था सामान्य छ । संक्रमितलाई खाँदबारी स्थित हिमालय किरण पब्लिक क्याम्पसमा रहेको आसुलेसनमा ल्याउने तयारी भईरहेको र संक्रमित पुष्टि भएकाहरुको सम्पर्कमा आएका सबैको खोजि गर्ने कार्य प्रारम्भ गरिएको प्रवक्ता श्रेष्ठले बताउनुभयो ।

यसअघि संखुवासभामा १७ जनामा कोरोना पोजेटिभ देखिएको थियो । उनीहरु मध्ये ८ जना उपचार पछि घर फर्किसकेका छन् भने ९ जनाको सदरमुकाम खाँदबारी स्थित हिमालय किरण पब्लिक क्याम्पसमा रहेको आसुलेसनमा उपचार भईरहेको छ ।

क्याटेगोरी : ब्रेकिंग न्युज, समाचार
ट्याग : ##कोभिड१९, #breaking, #corona update, #hot, #कोभिड १९, #कोरोना पुष्टि, #कोरोना भाइरस, #कोरोना संक्रमण, #कोरोना संक्रमित

थप समाचार

समाजसेवी प्रकाश लामिछानेद्वारा तान्द्राङ्ग मा खाद्यान्न वितरण

रुपाताल संरक्षणको कामलाई समयमै सक्न उर्जामन्त्री खड्काको निर्देशन

चितवन पुगे रवि, आजै अदालतमा उपस्थित होलान् ?

पाथीभरा केबुलकारको काम स्थगित, यातायात बन्द खुल्यो