संखुवासभाको चिचिलामा सडक माथिबाट ढुङ्गा खस्दा स्काभेटर चालकको मृत्यू 

संखुवासभाको चिचिला गाउँपालिका–१ गगने नजिकै चिचिला पातालमा सडक माथिको ढुङ्गा झरेर स्काभेटर चालकको घटनास्थलमा नै मृत्यू भएको छ । मृत्यू हुनेमा मकवानपुर जिल्ला घरभई हाल बाँनिया निर्माण सेवामा स्काभेटर चालकको रुपमा काम गर्दै आएका ३१ बर्षीय हर्क तामाङ रहेको जिल्ला प्रहरी कार्यालय संखुवासभाका प्रहरी नायव उपरिक्षक नवराज मल्लले बताउनुभयो ।

डिएसपी मल्लका अनुसार, मंगलबार (आज) दिउँसो करिब १ बजेतिर खाँदबारी–किमाथांका कोशील्हासा राजमार्ग अन्तर्गत चिचिला पाताल सडकखण्डमा सडक माथिको ढुङ्गा स्काभेटरले फुटाउने क्रममा माथिबाट ढुङ्गा झरेर चालकको मृत्यू भएको हो ।